На 2 април 2025 година, Македонската академија на науките и уметностите на иницијатива на Македонското пенолошко друштво по трет пат донираше книги за библиотеката на Затвор Куманово. Оваа донација претставува продолжение на претходната иницијатива од 2019 и 2020 година, кога исто така беа обезбедени книги за збогатување на библиотечниот фонд на казнено-поправна установа.
Оваа акција има за цел да ги подобри условите за ресоцијализација на осудените лица, давајќи им пристап до вредна литература, вклучувајќи стручни, научни и белетристички дела. Со збогатување на библиотеката, им се овозможува на осудените лица да го искористат своето време за едукација и личен развој.
Македонското пенолошко друштво продолжува да ги поддржува ваквите иницијативи, насочени кон подобрување на пенолошкиот систем и создавање подобри услови за ресоцијализација во затворските установи.
